Co conquist eu il muond?

Cabaret musical da e cun Klara Finck

Sonda, 29-06-2024 20.15 Grotta da cultura, Piertan CHF 25.00 / 20.00

 

Klara Fink voul conquistar il muond cun ün orgel da man e cun furbazzaria. Ella picla oura da tuottasorts perspectivas, staglia il muond "real" in tocs singuls e tils metta insembel in möd raffinà in seis agen univers: ün brüschöl davainta delegà per la pasch, ün macho feminist, o üna poppa da sex es cusgliadra da marketing dal pappa. Quai tilla reuschischa cun seis chansons fantastics,  cun seis talent sco actura e cun seis caracters pregnants. 

Tanter las sopchas, però tuottafat pro sai – l'inaspettà es pro Klara Finck adüna alch bel e d'aspettar in mincha cas! Comica chi rumpa il cour, fich empatic ed incredibel, ma vaira!
https://klarafinck.com/   Foto: Paul Wellenhof

Davopro es la bar da la Grotta averta, e'l bus da cultura tils maina a Scuol, Tarasp, Ftan o Ardez (annunzchar a la cassa).