Archiv

Marianne Lüthi as ha partecipada a la scoula da scriver pro Angelika Overath e Manfred Koch. Uossa es cumparü seis cudesch cun purtrets «Alma im Gewittersturm», cun illustraziuns da Stéphanie Lobmaier.

Alma chi ha bod quatter ons passainta la stà cun mamma e nana in üna chamonna illa Val Dischma, la plü lunga val laterala da la cuntrada da Tavo. 'Duman vegna sü pro'l lai da muntogna', disch Alma a sia poppa Nina, avant co ch'ella va in let. 'Be suletta. Be tü poust gnir cun mai.' …

Ün invid - ad uffants giuvens, da sfögliar i'l cudesch da purtrets, da's metter in viadi per scuvrir insembel aventüras, da fabular, discuorrer insembel o simpöamaing da tadlar - a raquintaders d'istorgias per giovar insembel cun pleds, melodias da la lingua e rimas.

Cun üna misculanza da teater, musica-live, disegns projectats e texts. E cun ADHS.
Impè da's laschar buollar cun pleds sco ‚deficits‘ e ‚disturbi‘, tschercha Matz Hobi perspectivas nouvas
– critic, creativ e persunal, sainza cumpromiss. 

GÖ Matz Hoby

REGIA Vita Malahova

TECNICA Prisca Grandi

PAGINA WEB    www.matz-hoby.ch

TRAILER   https://youtu.be/RMHbdbFRkRw

«In einem Bergtal des Kantons Graubünden ist es vorbei mit der Ruhe. Projekte zur Förderung des Tourismus und der geplante Bau eines Windparks erhitzen die Gemüter. Was hat Helgi Sigurðsson, ein isländischer Professor, mit all dem zu tun?....»

Erika Sommer passainta bler temp illas muntognas per chaminar, per scriver ed observar utschels. Seis interess pel svilup da la regiun da las Alps e per la debatta da clima ha ella elavurà in ün crimi plain tensiun cul nom »Alpentroll«. Implü ha ella scrit duos gös auditivs criminals da Scuol chi sun eir amo hozindi divertaivels e plain tensiun. Da quai dudina üna pitschna muostra!

«Eine Ehrenrettung des Regionalkrimis, eine mustergültige, mit großem Vergnügen zu lesende Studie der Kriminalliteratur aus und in Graubünden, ein sorgfältig und mit viel Sachverstand, Erkenntnisinteresse, Lust und Liebe gemachtes Buch. (CulturMag, 1.11.2024)

«Was wo in Graubünden spielt, wird von Barfuss fein säuberlich nach Region geordnet zusammengetragen. Dabei gelingt ihm das Kunststück, die Bücher und das Personal vergnüglich vorzustellen, ohne allzu viel vom Kriminalfall selbst zu verraten. (CM, Südostschweiz, 10.2024)

Ed in möd uschè loc es el bun da preschantar seis cudesch ad ün public live, cun text e purtret e bler viz.

«Eine Ehrenrettung des Regionalkrimis, eine mustergültige, mit großem Vergnügen zu lesende Studie der Kriminalliteratur aus und in Graubünden, ein sorgfältig und mit viel Sachverstand, Erkenntnisinteresse, Lust und Liebe gemachtes Buch. (CulturMag, 1.11.2024)

«Was wo in Graubünden spielt, wird von Barfuss fein säuberlich nach Region geordnet zusammengetragen. Dabei gelingt ihm das Kunststück, die Bücher und das Personal vergnüglich vorzustellen, ohne allzu viel vom Kriminalfall selbst zu verraten. (CM, Südostschweiz, 10.2024)

Ed in möd uschè loc es el bun da preschantar seis cudesch ad ün public live, cun text e purtret e bler viz.

«….denn der Tote liegt schon Jahrzehnte im Eis. Doch wie kommt der junge, italienische Steinhauer, der mit seinen Kollegen in der klirrenden Winterzeit den berühmten Fexer Schiefer abbaute zu einer Schussverletzung? Der Kommissar verbeisst sich in die Spurensuche….»

E che ha pers ün crimi da l'Engiadin'Ota in Engiadina Bassa? 
La stà passada es gnü cuernà il tet dal chastè da Tarasp cullas bellischmas «plattas da Fex», ed il samedrin Andrea Gutgsell ha fat da seis temp seis giarsunadi sco mecanist da maschinas agriculas a Sent....

Sco anteriura restoratura per graficas originalas as interessa Antoinette Simmen per la lavur artischana e per la colliaziun da material, tecnica e fuorma. Hozindi lavura ella culla tecnica scagliola (Stuckmarmor) e cun terracotta. Ella chatta sia inspiraziun tant illa natüra sco eir in spazis urbans.

Ingio vivain no – co ans muantain no tras il spazi cha no partin?
"Quistas dumondas m'accumpognan fingià daspö lönch. La chasa, sco simbol da patria, protcziun e appartgnentscha, famiglia e ragischs fuorman ün punct da partenza fix.

A l'istess mumaint cumpara adüna darcheu il motiv da la nüvla - ün simbol per movimaint e passagerità. Eir i'l muond digital discurrina da „clouds“.

Uschè nascha in mias sculpturas e pitturas ün dialog tanter dürabilità e müdamaint, esser da chasa ed esser in gir - tanter quai chi resta e quai chi passa."

Fin als 14 avrigl

"Bis wann gibt es Frühstück?"  Ün viadi in Svizra insolit.
Teater prelet pro'l cudesch.

Ün dialog insolit e satiric d'ün viadi, plütöst ün roman alleger e scort co ün rapport da viadi. Il  stil da raquint dad Elisabeth Hart e Rhaban Straumann es oter in möd rinfrais-chant, minchatant satiric, ma adüna manà sül punct.
Il duo "Hart auf Hart" lascha ir a duos fradgliuns in tschercha da stizis tras hotels svizzers istorics, stizis da lur nonas e bazegners...

​www.hartaufhart.ch 

La battosta da texts e poesias tuorna a Sent, ingio ch’ella ha pudü festagiar sia premiera fulminanta avant bod trais ons. Organisà da la Uniun dals grischs.
www.udg.ch

 

Cha da Fö cuschina darcheu!
Cha da Fö es darcheu in gir. Cun seis proget sco solist tuorna il songwriter, guitarrist e chantadur Roland Vögtli chi'd es creschü sü in Engiadina, darcheu inavo pro las ragischs da sia via musicala: pro chanzuns simplas, sinceras «our dal pet», sco ch'el disch. Musica sainza schnicschnac chi nu pretenda üna show e palcs gronds, dimpersè plütöst l'intimità dal inscunter i'l rom pitschen. Chazuns sco chi's tillas suness a chasa in chadafö, apunta Cha da Fö.
aus: mx3.ch /  Foto: Mayk Wendt

Karin Zulian disegna e pittura cun paschiun daspö sia infanzia. Ils prüms purtrets da bes-chas d'eiran inspirats dal disegnadur da bes-chas Rolf Knie. Davo ch'ella d'eira tuornada d'ün sogiuorn in Nova Zelanda pro'l artist Michael Mischewski ha ella approfundi seis savair in differents cuors: Craida da pastel, disegnar purtrets e tenicas da suitsch e pustüt la lavur experimentala cun culur da tusch. Ella lavura in möd movibel tanter St. Gallen e Sent, il lö da domicil da seis partenari. Illa Grotta da cultura Sent muossa ella disegns da rispli e tusch in plüssas culurs sco eir gravüras da bes-chas ed umans, in movimaint elegant.

L'exposiziun düra fin als 6 da schner 2026
Avert il mardi e la sonda 17.00 - 19.00
 

Il tankist Franz Weniger vain surpassà a schnestra da la müdada energetica. Intant viagia dafatta seis meglder cliaint d'üna jada cun ün auto electric. Ils duos homens as decleran il muond e chavan oura sainza lair ün secret invlidà chi tils pudess surdorar lur avegnir… Intant gira sar Luf tras il revier e prouva d'incleger ils umans. Cun «WOLF» ans spordscha Matthias Kunz (Strohmann Kauz!) cun gronda abiltà da's müdar üna sairada da cabaret i'l spiert dal temp.

Redschia: Anna-Katharina Rickert

matthias-kunz.com

Travesti sco paster da chucals prouva il prinzi Augustin dad accumplir ils giavüschs da la princessa per guadagnar seis cour. Chi sa scha quai til reuschirà? L'istorgia as basa sülla tarabla da Hans Christian Andersens chi criticha la superbgia e l'arroganza da la società plü elevada. L'inscenaziun quintada da Justina Derungs fa curaschi per survendscher cunfins e maina al public in ün muond da tarablas sgiaglià.

Ün gö plain culurs tanter scenografia, figüras, chanzuns e musica instrumentala. ca. 45 min.

gö: Justina Derungs
musica: Aita Gaudenz
palc: Hugo Zumbühl

Beatrice Calzaferri:
Ilanz, Danis e Cuoira d'eiran mias staziuns in Grischun, daspö l'on 1995 stun eu i'l chantun Schaffhausen.

Inspirada da las cuntradas dal Luberon:
Grippa in tuns d'ocra da gelg cler fin pro'l brün cotschnaint, in glüm e sumbriva, circundada dal verd verdischem, cuverta d'ün tet blauischem.
Daspö sur 20 ons nu vegna plü libra da quistas culurs.
Las craidas sun dvantadas ün gö tanter dainta e palperi.

Eu sfuondr illas culurs da pastel – am lasch ir e guard ingio cha'l viadi am maina.

Gian Gianotti:
Redschissur da teater da la Bergiaglia, cun radschischs a Sent.

Davo üna vita cul teater sco redschissur cun blera glieud, in divers secturs tecnics e collià cun lingua e litteratura, m'occup eu hoz pustüt culla pittura, in tschercha da l'abstracziun.

Quistas 'inscenaziuns' sülla taila da glin sun plü persunalas. ed as concentreschan sün impreschiuns, tensiuns e documentaziuns da muonds visualisats per chattar ed offrir üna quietezza e concentraziun

Eu pittur sün taila da glin, pustüt cun öli, cun preferenza dal tagl d'or e'm concentresch sün spazis da culurs.

https://www.gianotti.ch/

Tuots duos vivan e lavuran a Dörflingen dasper Schaffhausen.

L'exposiziun es averta il mardi e la sonda, 17.00 - 19.00, e düra fin als  7 october 2025

Sonda, als 26 lügl a las 17.00 preschainta Lars Prevost la URB, l'Uniun da las Rumantschas ed dals Rumantschs illa Bassa.

Il böt principal da l'URB es d'organisar occurrenzas chi dan la pussibiltà da cultivar contacts persunals, da discuorrer rumantsch in cumpagnia (minchün/minchüna in seis idiom) - da s'inscuntrar, discuorrer, tadlar, leger, scriver, chantar, as allegrar, discutar, minchatant eir as dispittar - activitats chi güdan a mantegner nossa lingua materna in üna società plurilingua e multiculturala.

Per la Rumantschia e per tuot quels e quellas chi vöglian scuvrir il Rumantsch eir giò la Bassa.

https://uniun-urb.clubdesk.com/willkommen

Luumu, quai sun istorgias accumpognadas da chanzuns. Ellas giovan üna tarabla sociocritica o üna critica als evenimaints mundials paquettada in clings magics. Ellas quintan istorgias our da la vita in möd fragil e melancolic. Il stil da Luumu nu's poja metter in ün chaschuot. Els collian pop da chombra cun elemaints lirics da jazz e cun indiefolk muonds da clings contemporans da la Scandinavia, cun regress fins sülla musica dals ons 60 e 70. La band culla cumponista, chantadura e pianista Adina Friis, bassist e zambriader da tuns Simon Iten, battarist Andy Schelker e violonist Gabriel Miranda exista daspö il 2012, intant cumpiglia il repertori da la band chanzuns inglaisas, tudais-ch svizras, danaisas, norvegiaisas, svedaisas e francesas.

www.luumu.ch

100 ons istorgia contemporana, cumbinada cullas frescas da milla ons da St. Prokulus a Naturns, quintà plain tensiun ed in möd divertend cun agüd da la figüra principala, il pittur da decoraziun Hans. Da giuven gniva'l nomnà strupchà e vaglianöglia. El passainta il temp da discordia da la populaziun dal Vnuost suot il regimaint dals fschists talians e dals nazis tudais-chs. Però Hans vezza eir co cha'l cumün as müda plan a plan e dvainta plü avert invers il muond.
Ün roman sur dal effet dals grond müdamaints dürant ün tschientiner in ün pitschen cumün illas Alps, e sur dals effets curativs da l'art.

Selma Mahlknecht dal Vnuost es ün'autura multifaria, dramaturga e  chantautura. Ella viva a Zernez e discuorra tudais-ch, talian ed eir rumantsch. Cun seis hom, l'istoriker Kurt Gritsch, as preschainta ella eir sco cabarettista e chantadura.

www.selma-mahlknecht.info

As approfundi i'l muond da la sabgentscha da las erbas e dal miracul verd!
Daniela Schwegler legia our da seis cudesch „Grünkraft“, ingio ch'ella descriva 13 persunas fascinantas chi s'occupan cun erbas – istorgias da la natüra, frais-chas ed inspirantas chi van a cour. Lapro muossa ella fotografias impreschiunantas chi muossan la paschiun dals experts dad erbas. 

Las lavurs da Silvio Gallo naschan adüna in tschercha d'ün vaira sen da las ouvras
e la transmissiun da quellas süll'orma umana. Forsa as cugnuoscha a sai svess in ellas?
Las lavurs seguan adüna a la via da l'dea ed a la realisaziun manuala.
Pro incumbenzas per lavurs seguischa el strictamaing al tema e til realisescha in maniera chi's inclegia il minz da l'expressiun. In quista exposiziun vegnan muossats ogets our da differents temps d'actività.

Silvio Gallo lavura ed abita daspö il 2011 a Ramosch.
www.silviogallo.ch

L'exposiziun es averta il mardi e la sonda, 17.00 - 19.00.
Fin als 29 lügl 2025

Justine e Helena van in clostra. Dürant ün congedi vöglian ellas salvar lur amizizcha chi nun es plü la megldra. Diversas chosas sun periclitadas: Ellas duos han fingià scrit insembel duos cudeschs da filosofia ed uossa s'avicina vi e plü il termin per dar giò il terz cudesch. Üna vusch da dalöntsch tillas dess pussibiltar a ragiundscher daplü armonia cun agüd da differentas terapias – però cun pac success....
«Plain umur, musical e dalettaivel – ün masdügl da teater, chant e musica. Adattà eir per principiantAs  da la filosofia!»

www.diephilosophinnen.ch
Anne-Catherine Kramis sco Helena
Denise Donatsch sco Justine
Piano: Lukas Rhiner
Regia: Jakob Müller