Kathak - sot da l'India

Kathak, sot da l'India. Ün'explosiun da ritems.

Sonda, 20-06-2026 20.15 Grotta da cultura Sent, Piertan, CHF 20.00 / 25.00 / Kinder 10.00

 

I'l Kathak, il sot da l'India dal Nord, nun es il ritem be accumpognamaint, dimpersè la basa da tuot il sot. El collia musica, movimaint, expressiun e raquint ad üna fuorma d'art viva, precisa e suvent improvisada.

I'l Kathak tradiziunal es üna comunicaziun tanter ballarin e'l musicist da "tabla" i'l center.

Illa colliaziun da Kathak cun percussiun dal vest nascha ün exaimpel interessant per üna fusiun culturala. Il ritem precis dals pass dal Kathak s'inscuntran culs clings multifaris dad instrumaints da percussiun dal vest. L'improvisziun, üna basa cumünaivla da tuottas duos culturas, pussibiltescha "discuors" spontans musicals sül  palc.

Kathak Live es ün evenimaint intensiv per ögls, uraglias e sentimaint!

Mischa Weiss ün batterist giuven talentà da Sent.

Pandit Rajendra Gangani deriva d'üna dinastia veglia da ballarins e musicists chi cultivan quist'art daspö generaziuns. https://rajendragangani.in/

Swati Sinha  es  scolara da Guru  Rajendra Gangani. Ella cumbina lavur precisa culs peis cun movimaints da gronda expressiun e bellezza.

Deodatt Persaud es eir scolar da Rajendra Gangani. El viva a Göttingen ingio ch'el ha fundà üna scoula. El instruischa ed  es in gir in tuot l'Europa per producziuns da Kathak.