Archiv

Luumu, quai sun istorgias accumpognadas da chanzuns. Ellas giovan üna tarabla sociocritica o üna critica als evenimaints mundials paquettada in clings magics. Ellas quintan istorgias our da la vita in möd fragil e melancolic. Il stil da Luumu nu's poja metter in ün chaschuot. Els collian pop da chombra cun elemaints lirics da jazz e cun indiefolk muonds da clings contemporans da la Scandinavia, cun regress fins sülla musica dals ons 60 e 70. La band culla cumponista, chantadura e pianista Adina Friis, bassist e zambriader da tuns Simon Iten, battarist Andy Schelker e violonist Gabriel Miranda exista daspö il 2012, intant cumpiglia il repertori da la band chanzuns inglaisas, tudais-ch svizras, danaisas, norvegiaisas, svedaisas e francesas.

www.luumu.ch

100 ons istorgia contemporana, cumbinada cullas frescas da milla ons da St. Prokulus a Naturns, quintà plain tensiun ed in möd divertend cun agüd da la figüra principala, il pittur da decoraziun Hans. Da giuven gniva'l nomnà strupchà e vaglianöglia. El passainta il temp da discordia da la populaziun dal Vnuost suot il regimaint dals fschists talians e dals nazis tudais-chs. Però Hans vezza eir co cha'l cumün as müda plan a plan e dvainta plü avert invers il muond.
Ün roman sur dal effet dals grond müdamaints dürant ün tschientiner in ün pitschen cumün illas Alps, e sur dals effets curativs da l'art.

Selma Mahlknecht dal Vnuost es ün'autura multifaria, dramaturga e  chantautura. Ella viva a Zernez e discuorra tudais-ch, talian ed eir rumantsch. Cun seis hom, l'istoriker Kurt Gritsch, as preschainta ella eir sco cabarettista e chantadura.

www.selma-mahlknecht.info

As approfundi i'l muond da la sabgentscha da las erbas e dal miracul verd!
Daniela Schwegler legia our da seis cudesch „Grünkraft“, ingio ch'ella descriva 13 persunas fascinantas chi s'occupan cun erbas – istorgias da la natüra, frais-chas ed inspirantas chi van a cour. Lapro muossa ella fotografias impreschiunantas chi muossan la paschiun dals experts dad erbas. 

Las lavurs da Silvio Gallo naschan adüna in tschercha d'ün vaira sen da las ouvras
e la transmissiun da quellas süll'orma umana. Forsa as cugnuoscha a sai svess in ellas?
Las lavurs seguan adüna a la via da l'dea ed a la realisaziun manuala.
Pro incumbenzas per lavurs seguischa el strictamaing al tema e til realisescha in maniera chi's inclegia il minz da l'expressiun. In quista exposiziun vegnan muossats ogets our da differents temps d'actività.

Silvio Gallo lavura ed abita daspö il 2011 a Ramosch.
www.silviogallo.ch

L'exposiziun es averta il mardi e la sonda, 17.00 - 19.00.
Fin als 29 lügl 2025

Justine e Helena van in clostra. Dürant ün congedi vöglian ellas salvar lur amizizcha chi nun es plü la megldra. Diversas chosas sun periclitadas: Ellas duos han fingià scrit insembel duos cudeschs da filosofia ed uossa s'avicina vi e plü il termin per dar giò il terz cudesch. Üna vusch da dalöntsch tillas dess pussibiltar a ragiundscher daplü armonia cun agüd da differentas terapias – però cun pac success....
«Plain umur, musical e dalettaivel – ün masdügl da teater, chant e musica. Adattà eir per principiantAs  da la filosofia!»

www.diephilosophinnen.ch
Anne-Catherine Kramis sco Helena
Denise Donatsch sco Justine
Piano: Lukas Rhiner
Regia: Jakob Müller

Tractandas:
salüd
tscherna dals scrutinadurs
protocol da la radunanza dals 12 avrigl 2024
rapport da la suprastanza
rendaquint dal 2024 e rapport dals revisurs
preventiv pel 2025
elecziun da la suprastanza
fixar la contribuziun annuala pel 2026
sguard inavant sül program 2025
varia

Aperitiv, e davo teater "Die Philosophinnen"

Marlise Küng ha scrit cun 72 ons ün roman-debüt, davo ch'ella vaiva promovü in scienzas d'educaziun e ch'ella d'eira activa dürant blers ons ill'instrucziun a la FHNW. «Lina bindet sich die Schuhe» es ün sguard inavo autoficziunal sün ün'infanzia e giuventüm i'l chantun Aargau, tanter il temp davo la guerra e'l progress economic. Il roman quinta co cha Lina rumpa oura da relaziuns chi tilla tegnan pitschna. Ella as deliberescha da las structuras autoritarias illa stretezza dal cumün e cumainza, cun tuot las difficultats, üna vita autonoma. In quella as resainta ella vieplü sco duonna lesbica.

Davo la prelecziun moderada daraja üna discussiun colleghiala d'atelier sur da las schanzas e dals ris-chs dal scriver autobiografic.

La chasa engiadinaisa imposanta es cuntschainta eir dadour l'Engiadina. Cun seis mürs gross e'ls ornamaints (sgrafits) buolla ella divers cumüns. Plü paca bada as daja però a las portas chi mainan in quistas chasas. Eir quellas sun grondas ed han suvent ün caracter particular. E suvent as dumonda chi mâ chi starà davo quistas portas.

Il fotograf Stephan Husen da Bern ha documentà dürant ils ultims ons las portas da differents cumüns in Engiadina Bassa. Ill' exposiziun “Portas Engiadinaisas” muossa el fotografias dals exemplars ils plü bels ed ils plü interessants.

www.stephanhusen.com

L'exposiziun es averta il mardi e la sonda 17.00 – 19.00. Fin als 15-04-2025

La Grotta da cultura es eir da la partida a la vendita da saira.

Las fotografias muossadas derivan da la collecziun da la RTR:  www.nossaistorgia.ch
Cun aperitiv.

Tuottas e tuots sun cordialmaing invidats!

Üna Grischuna da nom e da pom – eine Bündnerin von Rang und Namen.

“Cun forza, impertinent e curschus ans mainan ün pêr Grischunas sün ün viadi cun raquints tras biografias femininas dal temp passà. In möd contemplativ e pür rivan ellas lur cour a reguard l'esser duonna i'ls ultims tschinch tschientiners.
Cun ir sur munt e val svanischa il preschaint. No inscuntrain a duonnas da l'ota nöblia grischuna, bavain tè cullas chombreras da quellas e cuccain tras la foura da clav da lur metressas toleradas. No guardain sur las spadlas dal model dal pittur, observain a la paura Gualsra co ch'ella fa cun fain, accumpagnain a la figlia scolada dal ravarenda e stain be stuttas da la sapienza politica da la prostituada da cità.
Ün inscunter narrativ, accumpognà da musica müravgliusa sco regal d'anniversari teatral inscenà per la festa da 500 ons da nossas Trais Lias. Pitschen e fin, persistent e pür.”

Teater: Felicitas Heyerick, Monika Curschellas, Marlene Feurer, Anita Mark
Accordeon e chant: Sidonia Caviezel
Composiziun: Nina Mayer
Text, redschia ed inscenaziun: Annina Giovanoli
Producziun: far da las bellas IN DER KULTUR /

www.annina-giovanoli.ch

PER DUMENGIA A LAS 17.00 ESA AMO PLAZZAS.
I'NS DISPLASCHA, PER SONDA ESA VENDÜ OURA!

"No siglin inavo i'l stil da musica, i'ls ons dal  1920. Cur ch'eu n'ha cumanzà a scriver per ün ingaschamaint chanzuns per purtrets dals ons 1920 a San Murezzan, n'haja decis da publichar ün album nouv: 20s in the 20s. traidesch chanzuns chi descrivan il stil da viver e da la musica dals ons 1920 in Engiadina. Per quai n'haja dovrà ün stil da Swing poppig e Gipsy Jazz per scriver las chanzuns in lingua rumantscha ed inglaisa.
A partir dal mais mai dess cumparair mincha mais üna single ed ün'istorgia maina tras tuot l'album. Cun mincha song vain quintada üna nouva part da l'istorgia fin cha tuot l'album cun 13 chanzuns cumpara finalmaing in october dal 2024."

www.cinzia.info    purtret: Mayk Wendt

Davopro es la bar da la Grotta averta e'l bus da cultura gratuit as maina inavo a Scuol, Ftan, Ardez e Tarasp.

Suot il titel "Glüsch’ad ün glüschir / glüm da muntogna" muossa Anna-Leta Schucany aquarels, ch'ella ha pitturà dürant differentas periodas da lavur in Engiadina Bassa, Engiadin'Ota, illa Surselva ed i'l Tirol dal Süd. Punct da partenza da las lavurs preschantadas sun d'üna vart la cuntrada cun sias fuormas e culurs e da tschella vart adüna darcheu la glüm in abundanza.
L'autodidacta es nada e creschüda sü a Turich, e grazcha a sias ragischs da famiglia ha ella üna colliaziun culla cuntrada, la cultura e la lingua da l'Engiadina Bassa.
L'exposiziun es averta la sonda ed il mardi, 17.00 - 19.00
bis als 07-01-2025

www.schucany.wordpress.com

Üna miniatura da Franz Hohler, scritta bel ed aposta pel duo d'acturs da la Svizra tudais-cha,
Elisabeth Hart e Rhaban Straumann. I's tratta d'ün inscunter chi para da quai curius da duos viandants chi ston far tras ün accidaint da tren. I collideschan ils muonds d'üna actura tudais-cha e d'ün incumbensà svizzer per la protecziun da catastrofas. D'inrar es gnüda giovada üna tragedia in ün möd uschè casualmaing. Ün bijou! Ün teater let, cumplettà cun raquints, poesias ed istorgias.

Davopro es averta la bar da la Grotta, e'l bus da cultura as maina inavo a Scuol, Tarasp, Ftan o Ardez (annunzchar a la chascha da la saira).

Lingias, stizis e sumbrivas
Nicolas Deichmann muossa fotografias dad architectura e da cuntradas.

Fotografia es grafica chi exista our da glüm e sumbriva, lingias e stizis. Ill'architectura sun lingias e sumbrivas ils elemaints marcants, intant ch'illa cuntrada, pustüt illa naiv, sun quai sumbrivas e stizis da bes-chas, umans o dal vent. Las fotografias chi vegnan muossadas in quist'exposiziun sun üna prouva da far visibel quists elemaints grafics chi's vezza ill'architectura ed illa natüra.

www.nicolasdeichmann.com

L'exposiziun es averta il mardi e la sonda, 17.00 - 19.00
fin als 08-10-2024

"Ün potpourri dad istorgias chantadas sur da films in culur invlidats, amanta conservada in terpentin, duonnas chi mordrieschan e la gronda dumonda che chi's giavüschess scha…?"
www.elisabethtrechslin.ch

Davopro bar averta, e retuorn a chasa cul bus da cultura gratuit a Scuol, Tarasp, Ftan, Ardez.

L'autura Iris Haeusel viva, scriva e pittura a München, ma eir in Engiadina ingio ch'ella as lascha inspirar dals clings da la lingua rumantscha e's tschüffer da l'atmosfera da la cuntrada. Però adüna darcheu tilla chatscha oura aint il muond. Lura paketta ella las valischs per viadis da famiglia cun seis hom e las figlias chi sun fingià dalönch innan creschüdas, implischa buschas per gitas cun amis o butschins per expediziuns ingio ch'ella va a rampignar sün muntognas.
Ella legia our da seis cudesch  „Der Schrei der Schneeflocke" sur da alpinissem illas otezzas ed  our da „Stein Zeit Ewigkeit" sur dal rampignar.
www.iris-haeusel.de

Aita Dermont-Stupan viva a Sent e legia our da sias poesias da crappa.

Andri Steiner da Lavin improvisescha sün seis instrumaints bass. In sias solo-improvisaziuns tschercha el il cling chi s'affà pro'l tun chi d'eira avant e lura il tun pro quist cling - e's tegna dal rest vi dal poet rumantsch chi disch: „…ün pa tremblan in l’ajer e svaneschan cul vent….“

Davo l'occurrenza es la bar da la Grotta averta, giasts da Scuol, Ardez, Ftan o Tarasp pon ir a chasa cul bus da cultura gratuit.

Experimentond cun culurs, fuormas, tecnicas e materials as sviluppan ils ogets da Daniela Melberg. Inspirats da la natüra dvaintan stoffas e fils da lana e da saida ogets per la paraid o pel spazi chi sun fieutrats, rechamats o plajats. Las ideas per otras lavurs pon però as sviluppar eir dürant il process da fuormaziun.
www.daniela-melberg.ch

L'exposiziun es averta la sonda ed il mardi, 17.00 – 19.00 fin 23.07.2024

wir bluesen zum schmusen,
rocken & schocken,
mögen‘s finnisch-tangoïd,
sentimental & solid,
machen rambazamba
mit ‘ner heissen samba...
bestimmt mit drive,
sicher nicht steif & am besten live!

www.racinevoc.ch
jojokunz.ch

Tractandas:
salüd
tscherna dals scrutinadurs
protocol da la radunanza dals 17 marz 2023
rapport da la suprastanza
rendaquint dal 2023 e rapport dals revisurs
preventiv pel 2024
elecziun da la suprastanza
fixar la contribuziun annuala pel 2025
sguard inavant sül program 2024
varia

Aperitiv, e davo concert cun "Rumpel und Racine"

150 ons davo il fö schnuaivel chi ha desdrüt 80 pertschient da las chasas a Zernez, descriva Selma Mahlknecht in tschinch chapitels las relaziuns da viver da quella jada fin hozindi. Cun purtrets impreschiunants as fuorma üna vista i'l passà dal minchadi illas muntognas. „Fö“ quinta da l'abiltà da resistenza dals abitants dal pitschen cumün engiadinais e da las sbrinzlas chi glüschan i'ls umans e tils laschan crajer vi d'ün meglder avegnir – malgrà tuot las difficultats.

www.selma-mahlknecht.info

Davopro bar averta. Bus da cultura gratuit per Scuol, Ftan, Ardez, Tarasp