Bar da la Grotta a Schigliana
Uras d’avertüra: mardi e sonda da las 17.00 fin las 19.00
Cun ir da Plaz i’l center dal cumün ca. 80 m amunt as riva a Schigliana directamaing pro la fatschada cotschna da la Grotta da cultura cul G caracteristic sur la porta.
I’ls duos locals dal anteriur büro da Sent turissem as rechattan la bar e las exposiziuns d’art chi müdan mincha ün fin duos mais.
Vernissaschas ed arrandschamaints plü pitschens sco prelecziuns e referats han lö pel solit quia.
Eir las rapreschantaziuns plü grondas cumainzan e finischan quia culla cumprita dals bigliets e cun baiver alch illa bar. Quia s’haja l’occasiun da dar üna baderlada eir culs artists davo la rapreschantaziun.
