wir bluesen zum schmusen,
rocken & schocken,
mögen‘s finnisch-tangoïd,
sentimental & solid,
machen rambazamba
mit ‘ner heissen samba...
bestimmt mit drive,
sicher nicht steif & am besten live!
Concert cun Jojo Kunz e Marianne Racine
venderdi, als 12-04-2024 20.15 Grotta da cultura, Piertan 25.00/20.00
bus da cultura gratuit per tuornar a…
wir bluesen zum schmusen,
rocken & schocken,
mögen‘s finnisch-tangoïd,
sentimental & solid,
machen rambazamba
mit ‘ner heissen samba...
bestimmt mit drive,
sicher nicht steif & am besten live!
Invid a la radunanza generala 2024
venderdi, als 12 avrigl 2024 a las 18.00
Tractandas:
salüd
tscherna dals scrutinadurs
protocol da la radunanza dals 17 marz 2023
rapport da la suprastanza
rendaquint dal 2023 e rapport dals revisurs
preventiv pel 2024
elecziun da la suprastanza
fixar la contribuziun annuala pel 2025
sguard inavant sül program 2024
varia
Aperitiv, e davo concert cun "Rumpel und Racine"
Selma Mahlknecht legia our da seis roman «Fö» - üna ditta da famiglia da Zernez. Lapro fotografias veglias e chanzuns cun Kurt Gritsch.
venderdi, 16…
150 ons davo il fö schnuaivel chi ha desdrüt 80 pertschient da las chasas a Zernez, descriva Selma Mahlknecht in tschinch chapitels las relaziuns da viver da quella jada fin hozindi. Cun purtrets impreschiunants as fuorma üna vista i'l passà dal minchadi illas muntognas. „Fö“ quinta da l'abiltà da resistenza dals abitants dal pitschen cumün engiadinais e da las sbrinzlas chi glüschan i'ls umans e tils laschan crajer vi d'ün meglder avegnir – malgrà tuot las difficultats.
www.selma-mahlknecht.info
Davopro bar averta. Bus da cultura gratuit per Scuol, Ftan, Ardez, Tarasp
foe_placat2.pdf
„La bellezza da la passagerità“ purtrets d'öla e dad acril da l'Engiadina i'l gir da l'on, da Nicolas Neumeier.
Sonda e mardi 17.00-19.00 Grotta…
Il proget d'art da Nicolas Neumeier „La bellezza da la passagerità“ explorescha la colliaziun chafuola tanter la natüra da l'Engiadina e'ls sentimaints umans. El invida al aspectatur da reflettar sur da la natüra da la vita e dal müdamaint. Inspirà da la passagerità da noss'existenza exprima l'artist da Scuol la resonanza emoziunala dals contuorns natürals in si'ouvra .
Las ouvras sun pitturadas in diversas tecnicas, cun culurs dad öla e dad acril, sün palperi e sün taila.
www.achill.ch
L'exposiziun es averta il mardi e la sonda 17.00 – 19.00. Fin als 09-04-2024
Concert cun Flurina e Janic Sarott
Gövgia, 14-12-2023 20.15 Grotta da cultura, Piertan. 25.00 / 20.00
Ils fradgliuns Flurina e Janic Sarott da Scuol preschaintan aignas ouvras per marimba e gïa cul tema "Patria". Culs titels sco "Increschantüm", "La Clemgia", "Randulinas" o "Al pass Longhin" as poja far ün viadi musical tras las vals da l'Engiadina - interpretà dals clings chods dal marimba e las melodias finas da la gïa.
Davopro bar averta. Bus da cultura gratuit vers Scuol, Ftan, Ardez, Tarasp
La Klezmer Kapelye accumpogna la prelecziun dal raquint dad Anton Tschechow cun Jaap Achterberg.
Venderdi, als 24 november 2023, a las 20.15 i'l…
L'istorgia
Jakov, il falegnam da vaschels da 70 ons viva cun sia duonna Marfa in üna pitschna cità. Perquai cha be pacs mouran tils vaja mal. Minchatant, cur chi manca ün güdeu aint il orchester, guadogna Jakov ün pêr copecas implü cun til sustgnair sunond sia gïa. El s'agita adüna sur dal flötist Rothschild chi suna dasper el, perquai cha pro quel tuna eir la melodia la plü lustiga adüna trista...
Recitaziun: Jaap Achterberg ( in tudais-ch)
Klezmer Kapelye:
Franco Mettler, clarinetta
Laura Zangger, gïa
Michel Estermann, guitarra
Res Coray, gïun
Davopro bar averta. Bus da cultura gratuit per Scuol, Ftan, Ardez, Tarasp
placat_Jaap_Achterberg.pdf
Che fan las redacturas, ils redacturs da la FMR e da la Posta Ladina?
Gövgia, 9-11-2023 19.15 Grotta da cultura Sent, Schigliana.
Hast gust da scriver rumantsch?
La Fundaziun Medias Rumantschas (FMR) e la Posta Ladina invidan ad üna saira d’infuormaziun davart la lavur sco redactur/a in Engiadina. Dürant quella saira at spettan differentas infuormaziuns praticas e redacturs/as quintan davart lur experienzas.
Davo snacks e bavrondas.
Persuna da contact: martina.herrmann@fmr.ch
"Terra pels peis" «Den Füssen ein Grund»
Poesias da Linard Bardill. Moderaziun: Chasper Pult
Gövgia, 02-11-2023 20.15 Grotta da cultura,…
Las poesias da Bardill giogan cun tut ils elements ed ans laschan ralentar. E perquai che Linard Bardill è adina era in grond narratur e chantautur, raquinta sia lingua istorgias, stgaffescha maletgs ed è ludica e famigliara. Ella è autentica, funcziuna en il mument ed è tuttina misteriusamain ponderada.
(Rut Bernardi, pled final)
Organisà in collavuraziun cun la Chasa Editura Rumantscha
https://chasaeditura.ch/
Musica dal muond inscuntra a lirica rumantscha
Venderdi, 27-10-2023 20.15 Grotta da cultura, Piertan 25.00 / 20.00
Ils musicists Felix Rüedi e Mario Giovanoli da Cuoira e Simon Steiner da Lavin, as occupan in lur trio cul cling metallic-sferic dal "handpan". In cumbinaziun cun flötas, e-bass, percussiun e chant suna Calabrun in differents stils, minchatant ritmic, groovic, o eir svolond, adüna cun lö per improvisaziun.
La lingua rumantscha ha ün'estetica tuot speciala sun seis cling, la melodia e'l ritem. L'autura ed artista da Guarda, Flurina Badel, sa trar a nüz il potenzial da la lingua. Cun seis cudesch da poesias tinnitus tropic s'avicinescha ella in möd particular e tilla lascha straglüschir da nouv.
https://felixrueedi.ch/calabrun/ www.flurinabadel.ch
Davopro bus da cultura gratuit vers Scuol, Ftan, Ardez, Tarasp
Trio_calabrun_e_Flurina_Badel.pdf
"ZEIT DER STILLE" tagls da forsch e sculpturas da Werner Kleiber
Sonda e mardi, 17.00 - 19.00
Grotta da cultura Schigliana
Werner Kleiber viva e lavura ad Ebikon e daspö plüs ons eir per part ad Ardez.
Las lavurs in quista exposiziun muossan üna pitschna survista da sia actività artistica e sun independentas da lös exteriurs, ma ellas s'han pel solit fuormadas dürant la tschercha da pusiziuns internas.
Il müdamaint da las chosas, la naschentscha e'l trapassar illa natüra ed illa vita sun sias funtanas d'inspiraziun. Las ouvras svessa as fuorman adüna i'l process da l'experienza actuala e la confruntaziun cul material.
Quist möd da lavurar as müda per el mincha jada in ün temp da quietezza e survain ün caracter meditativ.
placat_werner_kleiber_A4-V3.pdf
Aua e crappa.
Pitturas da tusch. Monotipias. Squitschs.
Sonda e mardi, 17.00 – 19.00 Grotta da cultura, Schigliana
Illa exposiziun a Sent vegnan muossadas lavurs da Sabine Huber dals ultims trais ons cul tema
«aua e crap».
A las rivas da las vals Uina, Clemgia ed in oters lös sun naschüdas dürant tuot ils ons indombrablas pitturas da tusch sün palperi, squitschs da plantas, serias da monotipias, fotografias e videos, chi vegnan per part elavuradas inavant in seis atelier.
Nada a Basel, viva Sabine Huber daspö il 2009 in seis atelier i'l Jura svizzer e's lascha inspirar daspö il 1998 minch'on dürant la stà da la cuntrada muntagnarda spectaculara da Sent e contuorns.
www.sabinehuber.ch
nideröst&söhne fascineschan lur public daspö bod vainch ons
cun chanzuns in 100% "züritüütsch".
marcurdi, 19-07-2023 20.15 Grotta da cultura…
Co vaja inavant? Ingio ans rechattaina? Co füssa cun üna fermada da provedimaint?
Che sto tuot gnir sülla glista? Che uorden dovraina? Savaina che cha no maniain? Cun da quistas dumondas sur dal nonsens dal minchadi s'occupan ils trais figls in lur sesavel program da la saira.
Ün stuvair per tuot quels chi han dumondas e chi giodan da rier minchatant suotoura!
www.nideroestundsoehne.ch
Mathis Kramer-Länger (bass, guitarra, chant)
Kaspar Schindler (clavazin, guitarra, chant)
Andi Thürig (saxofon, cajon, chant)
Bus da cultura gratuit davo la rapreschantaziun vers Scuol, Ftan, Ardez, Tarasp. Annunzchar avant la rapreschantaziun illa bar da la Grotta a Schigliana, a partir da las 19.30
Niederoest___Soehne.png
Ün'ascensiun litterara
gövgia, als 22-06-2023 20.15 Grotta da cultura, Piertan, collecta
L'actur Gian Rupf ha üna lung'experienza cun litteratura muntagnarda.
El surmaina als spectaturs illa sulvadità da la lingua. Sia chatscha litterara da litteratura muntagnarda surprenda e sduvla sü. Gian Rupf fa viver texts müravglius, üna jada absurd ed alleger, ün'otra jada profuond e spiritus, minchatant daja üna situaziun extrema illa paraid dal nord la plü stippa, lura üna spassegiada da la saira paschaivla dürant l'ura blaua. Ed adüna toccan las istorgias il cour. Kino dal cheu perfet!
www.gianrupf.ch
Bus da cultura gratuit davo la rapreschantaziun vers Scuol, Ftan, Ardez, Tarasp. Annunzchar avant la rapreschantaziun illa bar da la Grotta a Schigliana, a partir da las 19.30
placat_gian_rupf_A4.pdf
L' Uniun dals Grischs organisescha illa Grotta da cultura il prüm evenimaint da Poetry Slam in Engiadina.
Sonda als 15 avrigl, bar Schigliana averta…
Moderaziun: Romana Ganzoni
"Eau moderesch il prüm poetry slam rumantsch da las pü coolas slammedras e'ls pü cools slammers ever. "
Poetry Slams sun occurrenzas, inua cha persunas prelegian lur texts ad ün publicum.
Ils texts paun esser poesias, istorgias, que po dafatta ir in direcziun da „rap"… que
es listess, ma minchün ho be 5 minuts per sia performance.
Il publicum decida chi chi guadagna e quella persuna survain tradiziunelmaing üna butiglia Whiskey,
tar nus Engiadinais saro que però üna buna butiglia iva (sponsoriseda da Mia Iva).
Que nu do auncha üngüna scena da Poetry Slam rumauntscha e que vulainsa müder quist an. (UdG)
www.udg.ch
"Chamäleon" significha la varietà ....
sonda e mardi, 17.00 – 19.00 Grotta da cultura, Schigliana
Chamäleon significha la varietà dals motivs, da las culurs e da las fuormas da sias lavurs.
Maja Plüer viva a Buchs i'l chantun Turich. Daspö 1987 gioda ella cun sia famiglia las vacanzas a Davo Stron, a Sent e cun Peder Buchli ha ella fat üna pruna gitas interessantas illas muntognas da l'Engiadina Bassa.
Illa Grotta da cultura Sent muossa ella squitschs da lain e da linol, d'üna e da plüssas culurs, Purtrets dad umans, cuntradas, muntognas, plantas e natüralmaing ün cameleon.
Exposiziun fin als 01.08-2023
Concert per tuot ils sens
sonda, als 01-04-2023 20.15 Grotta da cultura, Piertan
CHF 25.00/20.00
Da e cun Christina Riesch (chant ed idea), Andi Schnoz (guitarra) e Sidonia Caviezel (accordeon e chant).
IDA Y VUELTA voul dir «ir e tuornar» ed eir «dar e tour». Dürant blers inscunters creativs es nada üna saira plaina da musica, purtrets e text.
Davo la rapreschantaziun bus da cultura gratuit vers Scuol, Ftan, Ardez, Tarasp, annunzchar pro la chascha.
Reservaziun facultativa:
placat_IdayVuelta_compr.pdf
Invid a la radunanza generala 2023
venderdi, als 17 marz 2023, a las 18.30
Tractandas:
salüd
tscherna dals scrutinadurs
protocol da la radunanza dals 8 avrigl 2022
rapport da la suprastanza
rendaquint dal 2022 e rapport dals revisurs
preventiv pel 2023
fixar la contribuziun annuala pel 2024
sguard inavant sül program 2023
varia
Aperitiv, e davo preschantaziun dal cudesch "Piz Lischana"
Vernissascha. L'artist Peter Horber da Bern/Ftan e Maria Chatrina Gisep Hofmann da Scuol preschaintan lur cudesch. Moderaziun: Mario Pult
17-03-2023 …
Ils fradgliuns Chasper e Selina fan cun lur bazegner üna gita da duos dis intuorn il Piz Lischana. Els partan davent da Scuol. La via maina sur San Jon sü fin pro la Chamonna Lischana CAS, ingio chi pernotteschan. Il di davo rampignan els sül piz. Là as poja observar blera sulvaschina ed i’s gioda üna vista da bellezza. Sur la planüra Lais da Rims va lura la schmuntada giò pro la Chavorgia dal Quar ed inavant lung la Val d’Uina infin a Sur En. Quista gita es lunga, mo bellischma. Ella es adattada per famiglias cun giuvenils a partir da 12 ons.
www.peterhorber.ch
Davo la rapreschantaziun bus da cultura gratuit vers Scuol, Ftan, Ardez, Tarasp, annunzchar pro la chascha.
placat_PizLischana.pdf
Ün teater musical
gövgia, als 23-02-2023 20.15 Grotta da cultura, Centrala
CHF 25.00/20.00
Friedau – ün omagi a "l'ustaria"
La «Friedau», üna da las ultimas ustarias, es gnüda sbodada. Romy, chi vaiva manà dürant vainch ons l'ustaria ingio cha fingià sia nona e seis genituors vaivan lavurà, tilla sto dar sü.
Uossa fa Romy amo üna jada quai ch'ella sa far il plü bain: trattgnair giasts cun bunas istorgias sulvadias e chanzuns pregnantas. Accumpagnada da seis duos giasts regulars predilets, Ueli e Charly, quinta e dechanta ella sia vita turbulenta – e quella da sia ustaria. A la fin da la saira dvainta la «Friedau» darcheu quai ch'ella d'eira dürant ün lung temp: ün lö ingio chi's sainta bain ed ingio chi's stess jent per adüna.
Ün teater musical cun purtrets chi va a cour cun Sabina Deutsch (gö e chant), Pier Palù (musica) e Markus Ludstock (projecziuns). Redschia: Paul Steinmann https://www.sabinadeutsch.ch/
Davo la rapreschantaziun bus da cultura gratuit vers Scuol, Ftan, Ardez, Tarasp, annunzchar pro la chascha.
Reservaziun facultativa:
placat_Friedau.pdf
"Illa natüra am tocca il müdamaint permanent, in mai as fuorma üna resonanza ...."
sonda e mardi 17.00–19.00
L'artista Yvonne Roth viva a Frauenfeld i'l chantun Thurgau. Daspö blers ons passainta ella üna part da seis temp a Sent in Engiadina Bassa.
Illa Grotta da cultura a Sent muossa ella purtrets d'öli e disegns cun culurs d'aquarel our da seis diari da viadis. Purtrets concrets ed abstracts illustreschan seis viadis dal Lai Bodan in Engiadina.
www.yvonneroth.ch
Exposiziun fin als 04-04-2023
placat_yvonne_roth_A4-001.jpg
